«Омикрон» штамының таралуына қарсы шаралар күшейтілді

Дүниежүзілік денсаулық сақтау ұйымының мәліметі бойынша жаңа штамм қауіпті және тез таралады. Сондықтан медициналық бетперде мен қолғап кию, әлеуметтік қашықтықты сақтау сияқты қарапайым ережелерді ұстану керек. Сондай-ақ, вакцинация қарқынын арттыру өте маңызды. Қазір ҚБМ-да коронавирусқа қарсы вакцинаның екі компонентін алған жұмысшылар саны шамамен 60%-ға жетті. Ревакцинация басталып, белсенді жүргізілуде.

«Еліміздегі эпидемиологиялық жағдайды ескере отырып, санитарлық талаптардың орындалуын бақылауды күшейтеміз. Біз үшін жұмысшылар қауіпсіздігі – негізгі басымдықтардың бірі. Сондықтан біз кеңседе де, кен орнында да вирустың таралуына қарсы шараларды күшейттік. Қызметкерлер жағдайды түсініп, ерікті түрде ревакцинацияланып жатыр», – деп атап өтті ҚБМ жедел штабының мүшелері.